కూకట్పల్లిలో ప్రియాంక అనే మహిళను హత్య చేసిన నిందితురాలు మంజులను అరెస్టు చేసి రిమాండ్కు తరలించినట్లు బాలానగర్ జోన్ డిసిపి సురేష్ కుమార్ అదనాపూర్ డిసిపి సత్యనారాయణ లు విలేకరుల సమావేశంలో వెల్లడించారు. వివరాల్లోకి వెళితే కూకట్పల్లి పోలీస్ స్టేషన్ పరిధి భాగ్యనగర్ కాలనీ ప్రాంతంలో నివసిస్తున్న ప్రియాంక అనే మహిళ వ్యభిచారం చేస్తూ జీవనం కొనసాగిస్తుంది. ఇదే వృత్తిలో ఉన్న మంజుల ఎల్లంబండా ఎన్టీఆర్ నగర్ ప్రాంతంలో నివసిస్తూ వ్యభిచారం వృత్తిని కొనసాగిస్తుంది. ఇదే సమయంలో ఇద్దరు మధ్య స్నేహం ఏర్పడి ప్రియాంక దగ్గర ఉన్న చెవి పోగులు, వెండి ఆభరణాలు మంజుల దగ్గర దాచి పెట్టింది. గత నెల 30వ తేదీన తన బంగారు వెండి వస్తువులు ఇవ్వాలని మంజులను కోరగా అందుకు ఆమె నిరాకరించింది. దీంతో ప్రియాంక తనకు తెలిసిన వారితో మంజులను బెదిరించి బంగారు చెవిపోగులు వెండి అభరణాలను తీసుకుంది. దీంతో ప్రియాంకతో తనకు ప్రాణమని ఉన్నదని గుర్తించిన మంజుల ప్రియాంకను తన ఇంటికి తీసుకువెళ్లి మద్యం బాగా తాగించి అనంతరం ప్రియాంక స్కూటీ పైన కూకట్పల్లి పోలీస్ స్టేషన్ పరిధి లోధా అపార్ట్మెంట్ ముందున్న ఉదాశీన్ మటం ఖాళీ స్థలంలో చెత్తకుప్పలో పడవేసి తన వెంట తెచ్చుకున్న కత్తితో గొంతు కోసి హత్య చేసి,మంజుల నేరం తన మీదికి రాకుండా ప్రియాంకపై అత్యాచారం చేసి హత్య చేశారని నమ్మించడానికి ప్రియాంక బట్టలు మొత్తం చింపి ప్రియాంక యోని పై భాగంలో మొత్తం ఓపెన్ చేసి పెట్టి వెళ్లిపోయినట్లు పోలీసులు తెలిపారు. కేసు నమోదు చేసుకున్న పోలీసులు నిందితురాలును అదుపులోకి తీసుకొని విచారించగా నేరం తనే చేసినట్లు ఒప్పుకోవడంతో అరెస్టు చేసి రిమాండ్ చేసినట్లు బాలానగర్ జోన్ డిసిపి సురేష్ కుమార్ తెలిపారు. ఈ కార్యక్రమంలో అదనపు డిసిపి సత్యనారాయణ, కూకట్పల్లి ఏసిపి శ్రీనివాసరావు, ఇన్స్పెక్టర్ ముత్తు సబ్ ఇన్స్పెక్టర్ రామకృష్ణ తదితరులు పాల్గొన్నారు.
