కొన్నాళ్లుగా ఓటీటీ ప్లాట్ ఫామ్స్ లలో హారర్ థ్రిల్లర్ మూవీస్.. రొమాంటిక్ కామెడీ చిత్రాలు ప్రేక్షకులను ఆకట్టుకుంటున్నాయి. అలాగే మూడ నమ్మకాలను ఆధారంగా చేసుకొని తెరకెక్కించే చిత్రాలు, వెబ్ సిరీస్ చూసేందుకు అడియన్స్ ఎక్కువగా ఆసక్తి చూపిస్తున్నారు. తంత్ర, పిండం, పొలిమేర 2 వంటి చిత్రాలు ప్రేక్షకులను అలరించగా.. ఇప్పుడు మరో ఇంట్రెస్టింగ్ హార్రర్ థ్రిల్లర్ ఓటీటీలోకి వచ్చేందుకు రెడీ అయ్యింది. అదే 7/G. ఈ ఏడాది జూలైలో విడుదలైన ఈ మూవీలో టాలీవుడ్ హీరోయిన్ సోనియా అగర్వాల్ ప్రధాన పాత్రలో నటించగా.. హారర్ కథా చిత్రంగా వచ్చిన ఈ సినిమాను డ్రీమ్ హౌస్ పతాకంపై హరూన్ దర్శకత్వం వహించారు. థియేటర్లలలో మిక్స్డ్ టాక్ అందుకున్న ఈ సినిమా ఇప్పుడు ఓటీటీలోకి రాబోతుంది. తాజాగా ఈ సినిమా స్ట్రీమింగ్ డేట్ ఫిక్స్ అయ్యింది.
తాజా సమాచారం ప్రకారం ఈ సినిమా ప్రముఖ ఓటీటీ ప్లాట్ ఫామ్ ఆహాలో ఆగస్ట్ 9 నుంచి స్ట్రీమింగ్ కానుంది. అయితే ఈ విషయాన్ని తమిళ్ ఆహా అధికారికంగా ప్రకటించింది. తమిళంతోపాటు తెలుగులోనూ ఈ మూవీ స్ట్రీమింగ్ కానున్నట్లు సమాచారం. త్వరలోనే తెలుగు వెర్షన్ కూడా రిలీజ్ చేయనున్నారు. ఈ సినిమాలో చాలా కాలం తర్వాత హీరోయిన్ సోనియా తనదైన నటనతో మెప్పించింది. గతంలో తెలుగులో సూపర్ హిట్ అయిన 7G బృందవన్ కాలనీ సినిమాతో తెలుగు ప్రేక్షకులకు దగ్గరైన సోనియా.. ఇప్పుడు మళ్లీ సెకండ్ ఇన్నింగ్స్ స్టార్ట్ చేసింది.
7/G చిత్రానికి హరూన్ దర్శకత్వం వహించారు. అలాగే నిర్మాతగానూ వ్యవహరించారు. ఇందులో సోనియాతోపాటు స్మృతి వెంకట్, సిద్ధార్థ్ విపిన్ కీలకపాత్రలు పోషించగా.. ఈ చిత్రానికి సిద్ధార్థ్ విపిన్ మ్యూజిక్ అందించారు. థియేటర్లలో మిక్స్డ్ టాక్ అందుకున్న ఈ సినిమా రేపటి నుంచి ఆహా తమిళంలో స్ట్రీమింగ్ కానుంది.
