మేడ్చల్. హుకుం: అక్రమంగా మట్టి తరలింపుకు మేడ్చల్ మండల చెరువులు అడ్డాగా మారుతున్నాయి. చేరువులోనుండి అక్రమంగా నల్లమట్టిని తరలించి రాత్రికి రాత్రే లక్షల్లో జేబులు నింపుకుంటున్నారు. మేడ్చల్ మున్సిపల్ పరిధిలోని గిర్మాపూర్ దాతర్ చెరువులో గురువారం రాత్రి వెంకట్ రెడ్డి అనే వ్యక్తి తన హిటాచీతో టిప్పర్లలో రెవెన్యూ అధికారుల కళ్ళు కప్పి అక్రమంగా మట్టిని తరలిస్తున్నాడు. రాత్రి 12 నుండి ఉదయం 5 గంటలవరకు ఈ మట్టి తవ్వకాలు నడుస్తున్నాయని గ్రామస్తులు వాపోతున్నారు. చేరువులోనుండి తీసిన నల్లమట్టిని ఇటుక బట్టీలలో ట్రిప్పుకు 15 నుండి 20 వేల వరకు వేసి లక్షల్లో సంపాదించుకుంటున్నారని గ్రామస్తులు చర్చించుకుంటున్నారు. ఇప్పటికైన రెవెన్యూ, ఇరిగేషన్ అధికారులు స్పందించి అక్రమంగా మట్టిని తరలిస్తున్నవారిపై చర్యలు తీసుకోవాలని గ్రామస్తులు కోరుతున్నారు
